گن رائٹس گروپ کو 4 ملین ڈالر سے زائد کی ادائیگی کا حکم، نیویارک کی مقامی عدالت نے مقدمہ نمٹا دیا
نیویارک، نیوز ڈیسک: نیویارک کی ایک مقامی عدالت نے نیشنل رائفل ایسوسی ایشن (این آر اے) کے سابق چیف وین لاپیئر (Wayne LaPierre) کو گن رائٹس گروپ کو 4 ملین ڈالر سے زیادہ کی ادائیگی کا حکم دیا۔ مین ہٹن کی ایک جیوری نے جمعہ کو نیشنل رائفل ایسوسی ایشن کے سابق دیرینہ رہنما وین لا پیئر کو حکم دیا کہ وہ اپنے چیریٹی فنڈز کو غلط خرچ کرنے پر گن رائٹس گروپ این آر اے کو 4.3 ملین ڈالر سے زیادہ کی رقم واپس کرے۔6 افراد پر مشتمل جیوری نے وین لاپیئر اور دو دیگر ایگزیکٹوز کو ریاستی خیراتی قوانین کی خلاف ورزی کے لیے ذمہ دار قرار دیا ہے۔ نیویارک کی اٹارنی جنرل لیٹیا جیمز نے 2020 میں ریاستی عدالت میں این آر اے اور ایگزیکٹوز کے خلاف مقدمہ دائر کیا تھا، جس میں الزام عائد کیا گیا تھا کہ کمپنی کے اندرونی افراد نے غیر منافع بخش کو اپنے "ذاتی پگی بینک” کے طور پر استعمال کیا۔اٹارنی جنرل نیو یارک کے دائر کردہ سول مقدمے کے مطابق وین لا پیئر نے این آر اے کے خیراتی اثاثوں میں لاکھوں ڈالر اپنے اور اپنے خاندان کے لیے نجی ہوائی جہاز کے سفر پر خرچ کیے اور ایک این آر اے کے وینڈر کی لگژری بوٹ پر بھامس میں متعدد بار چھٹیاں گزاریں۔ مزید برآں ریاست کے وکیلوں نے کہا کہ اس نے کمپنی کے اندرونی افراد کے ساتھ منافع بخش مالی سودے کا اہتمام کیا جس سے این آر اے کو کوئی فائدہ نہیں ہوا۔ تاہم وین لاپیئر نے نے موقف اختیار کیا کہ اس نے اپنی تنظیم کے بہترین مفاد میں کام کیا ہے۔ ریاستی عدالت میں چھ ہفتے کے دیوانی مقدمے کی سماعت کے موقع پر، انہوں نے صحت کی وجوہات کا حوالہ دیتے ہوئے این آر اے سے استعفیٰ دینے کا اعلان بھی کیا۔ وال اسٹریٹ جنرل کے مطابق 74 سالہ وین لاپیئر نے این آر اے کو 1991 سے چلایا تھا، جس نے اسے ایک لابنگ پاور ہاؤس اور دوسری ترمیم کے حقوق کے لیے زبردست قوت میں پھیلایا تھا۔ قومی سطح پر ہونے والی فائرنگ نے اسے ایک پولرائزنگ شخصیت بنا دیا، جسے بندوق پر قابو پانے والے کارکنوں سے نفرت تھی۔ یاد رہے کہ حالیہ برسوں میں، بدعنوانی کے اسکینڈل کے نتیجے میں گروپ کا اثر اور آمدنی کم ہوئی ہے۔ لا پیئر نے عدالت کو بتایا کہ اانہوں نے پہلے ہی این آر اے کو اس ضمن میں1 ملین ڈالر سے زیادہ کی رقم واپسی کی ہے۔ایک اختلافی ووٹ کے ساتھ، جیوری نے وین لا پیئر کو 5.4 ملین ڈالر واپس کرنے کا حکم دیا ہے جس میں سے خود ساختہ حسابات پیش کرتے ہوئے قریب ایک ملین ڈالر پہلے ہی وہ این آر کو اس مد میں ادا کر چکے ہیں۔
