vosa.tv
Voice of South Asia!

چنئی کی طوفانی بارشوں میں پھنسے بالی وڈ اداکار عامرخان کو ریسکیو کرلیا گیا

0

بھارتی ریاست تامل ناڈو کے شہر چنئی میں ان دنوں طوفانی بارشیں ہورہی ہیں اور ہوائوں کے جھکڑ چل رہے ہیں جس کے باعث وہاں ایمرجنسی کی صورتحال ہے۔بھارتی اداکار وشنو وشال نے سوشل میڈیا پر تصوریر شیئر کرتے ہوئے بتایا کہ انھیں اور عامر خان کو چنئی سے امدادی کارکنوں نے ریسکیو کیا۔بھارتی اداکار وشنو وشال نے سوشل میڈیا پلیٹ فارم ’ایکس‘ پر اپنی ٹوئٹ میں انھوں نے لکھا کہ ’ہم جیسے لوگ جو پھنسے ہوئے تھے ان کی مدد کرنے پر فائر اینڈ ریسکیو ڈیپارٹمنٹ کا شکریہ۔‘ ساتھ ہی انھوں نے معروف اداکار عامر خان کے ساتھ تصوری بھی پوسٹ کی۔انھوں نے مزید لکھا کہ ’کراپکم میں ریسکیو آپریشن شروع کردیا گیا ہے ہم نے3 کشتیوں کو امدادی کاموں میں حصہ لیتے دیکھا ہے۔ اس آزمائشی وقت میں تامل ناڈو کی حکومت زبردست کام کررہی ہے۔تمام انتھک محنت کرنے والوں کا شکریہ۔ان کی پوسٹ پر اسٹیٹ انڈسٹری منسٹر ڈاکٹر ٹی آر بھی راجہ نے کہا کہ آپ اپنے ساتھ کھڑے عامر خان کا شکریہ ادا کرنا بھی نہ بھولیں جو واقعی ایک عظیم انسان ہیں۔ منسٹر نے لکھا کہ ’عامر خان نے ریسکیو ہونے کے لیے اپنی باری کا انتظار کیا۔انھوں نے اپنا نام استعمال کرنے سے قطعی گریز کیا۔ان میں بہت زیادہ انکساری ہے وہ بہترین انسان ہیں۔

جواب چھوڑیں

آپ کا ای میل ایڈریس شائع نہیں کیا جائے گا.