وزیر اعظم کے معاون خصوصی، جواد سہراب ملک نے سعودی عرب میں مقیم عالمی کمپنی البوانی ہولڈنگز کے ساتھ سعودی عرب میں پاکستانی افرادی قوت کے لیے روزگار کے مواقع کو بڑھانے کے لیے یاداشت پر دستخط کیے
وزیراعظم کے معاون خصوصی برائے سمندر پار پاکستانیز اور ترقی انسانی وسائل، جواد سہراب ملک نے ریاض میں البوانی ہولڈنگز کے معروف ہیڈ کوارٹر کا دورہ کیا۔ پہنچنے پر انجینئر فخر الشاف، البوانی ہولڈنگز کے سی ای او/چیئرمین کی جانب سے ان کا پرتپاک استقبال کیا گیا۔ معاون خصوصی کے ساتھ وفد میں سعودی عرب میں پاکستان کے سفیر احمد فاروق، کمیونٹی ویلفیئر اتاشی، ڈی جی ایمیگریشن اکرم خواجہ، اور جوائنٹ سیکرٹری امیگریشن اورنگزیب بھی شامل تھے۔
البوانی ہولڈنگز، ایک متنوع سعودی کمپنی ہے جو تعمیراتی شعبے میں سب سے اوپر کی پانچ عمومی معاہدہ کرنے والے اداروں میں ایک اہم مقام رکھتا ہے۔ سعودی عرب میں تقریباً 250 منصوبوں کو مکمل کرنے اور ان کی فراہمی کے متاثر کن پورٹ فولیو کے ساتھ، کمپنی اس وقت دنیا بھر میں اربوں ڈالر کی مالیت کے منصوبوں کے ساتھ مصروف عمل ہے۔ دورے کے دوران، معاون خصوصی کو البوانی کے جاری منصوبوں کے بارے میں ایک جامع بریفنگ بھی دی گی۔
پاکستانی ورکرز کی صلاحیتوں پر اعتماد کا اظہار کرتے ہوئے، معاون خصوصی، جواد سہراب ملک نے کمپنی کے چیئرمین کو آگاہ کیا کہ پاکستانی افرادی قوت اچھی تربیت یافتہ ہے اور ضروری مہارتوں اور علم کی حامل ہے، جو انہیں سعودی عرب میں تعمیراتی کاموں کے لیے غیر معمولی طور پر موزوں بناتی ہے۔ پاکستانی افرادی قوت کی قابلیت کا یہ اعتراف ایک اہم پیشرفت کا باعث بنا اور اوورسیز ایمپلائمنٹ کارپوریشن (او ای سی ) اور البوانی کے درمیان ایک لیٹر آف انٹینٹ (ایل او آئی) پر دستخط بھی ہوے یہ ایل او آئ باہمی فائدے کے لیے تعاون اور ہم آہنگی کو فروغ دینے کے لیے ایک بنیادی قانونی فریم ورک قائم کرے گا، جو مستقبل قریب میں پاکستانی پیشہ ور افراد اور کارکنوں کے لیے ملازمت کے بے شمار مواقع فراہم کرنے میں مدد دے گا۔ ایل او آئ پر دستخط کرنے کے علاوہ، البوانی ہولڈنگز نے پاکستان میں جدید ترین ایچ آر ٹریننگ سینٹر قائم کرنے کے عزم کا اعادہ بھی کیا، جس کا مقصد پاکستانی افرادی قوت کو بین الاقوامی معیار کے مطابق مطلوبہ مہارتوں سے مزید تربیت اور لیس کرنا ہے۔ معاون خصوصی نے اس بات پر بھی زور دیا کہ یہ کوشش عالمی سطح پر پاکستانی افرادی قوت کے لیے ملازمت کے مواقع بڑھانے میں مدد گار ثابت ہو گی
