غزہ:اسرائیلی فوج نے الشفا اسپتال کا محاصرہ کر رکھا ہے جس کے باعث اسپتال میں ہر طرح کی معطل کردی گئی۔ آکسیجن نہ ملنے کے باعث چار نومولود جان سے گئے۔غزہ کے سب سے بڑے الشفا اسپتال میں آکسیجن سے محروم بچوں کومصر کے اسپتال منتقل کر دیا گیا۔دیگر بچوں کو غزہ کے ایک اور اسپتال منتقل کیا گیا، جہاں انکی زندگی بچانے کی کوششیں جاری ہیں۔اس سے قبل کینسر کے مریضوں کو ترکیہ منتقل کیا گیا تھا جہاں صدر اردوان نے مریضوں کو بہترین علاج فراہم کرنے کی ہدایت کی۔ خود اردوان نے اسپتال جا کر مریضوں کی عیادت بھی کی۔گزشتہ روز اسپتال کو مکمل خالی کرنے اور ڈاکٹروں کو بھی اسپتال چھوڑنے کا حکم دیا گیا تھا جس کے بعد اسپتال میں بھگدڑ مچ گئی تھی۔قابض اسرائیلی فوج نے مریضوں اور بے گھر فلسطینیوں کو زبردستی اسپتال سے نکال دیا جس کے باعث 7 ہزار سے زائد بے آسرا لوگ نقل مکانی پر مجبور ہوگئے۔اسپتال کے اطراف کی گلیوں میں میتیں بکھری پڑی ہیں۔ جن کے لواحقین مجبور ہیں کہ کوئی آئے اور میتیں دفنانے میں میں ان کی مدد کرے۔اسپتال کے آکسیجن اسٹیشن، پانی کی لائنوں اور فارمیسی کو پہلے ہی تباہ کیا جا چکا ہے اور اسپتال میں دم توڑنے والے مریضوں کی تعداد 50 سے زائد ہو گئی ہے۔