اسلام آباد:پاکستان کے سابق وفاقی وزیر داخلہ اور پی ٹی آئی کے سابق قریبی اتحاد ی شیخ رشید احمد بھی اسٹیبلشمنٹ کا دم بھرنے لگے،کہا میں گیٹ نمبر پر چار پر نوازشریف کے ساتھ تھا مجھے نظر لگ گئی اب انتظار میں ہوں کہ نوازشریف کو کب نظر لگے گی۔لاہور ہائی کورٹ راولپنڈی بینچ میں پیشی کے موقع پر میڈیا سے بات چیت کرتے ہوئے سابق وزیرداخلہ اور عوامی مسلم لیگ کے سربراہ شیخ رشید کا کہنا تھا کہ میرے خلاف ایسے ایسے شہروں میں کیس بنے جو دیکھے ہی نہیں شیخ رشید کا کہنا تھا کہ میں اور نواز شریف ایک ہی دن پاکستان آئے تھے، مجھے نظرلگ چکی، اب انتظار میں ہوں انہیں کب نظر لگے گی، گیٹ نمبر4 میں نواز شریف کے ساتھ تھامیں نے ہمیشہ گیٹ 4 کا ساتھ دیا۔سابق وزیر نے کہا کہ انتخابات تو ایک دن اس ملک میں ہونے ہی ہیں، الیکشن سیاسی جماعتوں میں ہونا چاہیے، اداروں اور سیاسی جماعتوں میں نہیں۔شیخ رشید احمد کی درخواست پر راولپنڈی بنچ میں ابتدائی سماعت ہوئی جس میں جسٹس چوہدری عبدالعزیز نے پٹیشن کے تمام اعتراضات ختم کرتے ہوئے درخواست سماعت کے لئے مقرر کرنے کا حکم دیا ، شیخ رشید کا موقف ہے کہ 9 مئی کے واقعات کے مقدمات میں میرا نام شامل نہیں، مجھے 7 ماہ کی تاخیر کے بعد بیانات میں ملوث کیا گیا ہے۔