امریکی ٹریڈ فراڈ ٹاسک فورس نے ایک سال سے بھی کم عرصے میں ایک ارب ڈالر سے زائد کی ریکوریز کا سنگِ میل عبور کر لیا

 امریکی محکمۂ انصاف نے اعلان کیا ہے کہ ٹریڈ فراڈ ٹاسک فورس نے قیام کے ایک سال سے بھی کم عرصے میں ایک ارب ڈالر سے زائد مالیت کی ریکوریز، جرمانوں، ضبطیوں اور مالی نقصانات کے مقدمات درج کرکے اہم سنگِ میل عبور کر لیا ہے۔

محکمۂ انصاف کے مطابق اگست 2025 میں محکمۂ ہوم لینڈ سکیورٹی کے اشتراک سے قائم کی گئی ٹاسک فورس درآمدی دھوکہ دہی، اشیا کے اصل ملک سے متعلق غلط معلومات، جعلی کسٹمز اعلانات اور محصولات سے بچنے جیسے جرائم کے خلاف کارروائیاں کر رہی ہے۔حکام کا کہنا ہے کہ ٹاسک فورس نے سونے کے زیورات درآمد کرنے والی متعدد کمپنیوں کے خلاف بھی مقدمات درج کیے، جن پر لاکھوں ڈالر کے کسٹمز ڈیوٹی سے بچنے کے لیے اشیا کے اصل ملک کے بارے میں غلط معلومات فراہم کرنے کا الزام ہے۔محکمۂ انصاف نے اس موقع پر گلوبل ٹریڈ اینڈ کامرس انفورسمنٹ سیکشن کے قیام کا بھی اعلان کیا، جو بین الاقوامی تجارت، درآمدی فراڈ، جبری مشقت سے تیار کردہ مصنوعات اور امریکی قوانین کی خلاف ورزیوں کے خلاف تحقیقات اور قانونی کارروائی کرے گا۔