امریکی محکمۂ انصاف کے اعتراضات کے بعد دفاعی سازوسامان بنانے والی کمپنی ٹرانس ڈائم گروپ نے حریف کمپنی اسٹیلنٹ سسٹمز کے مجوزہ انضمام کا منصوبہ واپس لے لیا۔
محکمۂ انصاف کے مطابق اگر یہ معاہدہ مکمل ہو جاتا تو امریکی بحریہ کے ایجس کومبیٹ سسٹم اور فضائیہ کے ایف-16 طیاروں میں استعمال ہونے والے اہم ریڈار پرزہ جات کی فراہمی صرف ایک کمپنی تک محدود ہو جاتی، جس سے مسابقت ختم ہونے اور سپلائی چین کو خطرات لاحق ہونے کا خدشہ تھا۔امریکی حکام کا کہنا ہے کہ محکمۂ انصاف نے کمپنیوں کو آگاہ کیا تھا کہ وہ اس معاہدے کو روکنے کے لیے وفاقی عدالت سے رجوع کرے گا، جس کے بعد ٹرانس ڈائم نے مجوزہ خریداری ترک کر دی۔محکمۂ انصاف نے مؤقف اختیار کیا کہ یہ فیصلہ دفاعی شعبے میں مسابقت برقرار رکھنے، سپلائی چین کو مضبوط بنانے اور امریکی ٹیکس دہندگان کے مفادات کے تحفظ کے لیے ضروری تھا۔