اقوامِ متحدہ کے مشترکہ پروگرام برائے ایچ آئی وی/ایڈز (UNAIDS) نے 2026 کے انٹرن شپ پروگرام کے لیے درخواستیں طلب کر لی ہیں۔ پروگرام کا مقصد نوجوان پیشہ ور افراد کو عالمی صحت، پالیسی سازی اور بین الاقوامی ترقی کے شعبوں میں عملی تجربہ فراہم کرنا ہے۔
یہ انٹرن شپ دنیا کے مختلف مقامات پر دستیاب ہوگی اور بعض صورتوں میں ریموٹ انداز میں بھی انجام دی جا سکے گی۔ پروگرام کی مدت دو سے چھ ماہ تک ہوگی جبکہ درخواست جمع کرانے کی آخری تاریخ 30 جون 2026 مقرر کی گئی ہے۔درخواست دہندگان کے لیے ضروری ہے کہ وہ کسی تسلیم شدہ ادارے میں زیرِ تعلیم ہوں یا گزشتہ 12 ماہ کے دوران گریجویشن مکمل کر چکے ہوں۔ امیدوار کی عمر کم از کم 20 سال ہونی چاہیے اور اسے UNAIDS یا WHO کی سرکاری زبانوں میں سے کسی ایک پر عبور حاصل ہونا چاہیے۔UNAIDS کے مطابق خواتین، معذور افراد، ایچ آئی وی کے ساتھ زندگی گزارنے والے افراد اور کم نمائندگی رکھنے والے ممالک کے شہریوں کو درخواست دینے کی خصوصی حوصلہ افزائی کی جا رہی ہے۔ منتخب امیدواروں کو عالمی سطح پر کام کرنے، پیشہ ورانہ مہارتیں نکھارنے اور اقوامِ متحدہ کے نظام سے براہِ راست تجربہ حاصل کرنے کا موقع ملے گا۔