امریکا میں اگر کسی شہری کو دھوکہ دہی، مالی فراڈ یا غیر محفوظ مصنوعات کا سامنا ہو تو وہ متعلقہ وفاقی، ریاستی یا مقامی اداروں میں شکایت درج کرا سکتا ہے۔
ماہرین کا کہنا ہے کہ حکومتی اخراجات میں کمی اور بعض اداروں کی محدود سرگرمیوں کے باوجود شکایت درج کرانا اب بھی اہم ہے، کیونکہ یہی شکایات تحقیقات، قانون سازی اور کمپنیوں کے خلاف کارروائی کی بنیاد بنتی ہیں۔رپورٹ کے مطابق شکایت درج کراتے وقت تمام ثبوت، رسیدیں، آرڈر نمبرز، تاریخیں، ادائیگیوں کی تفصیلات اور کمپنی سے ہونے والی خط و کتابت محفوظ رکھنا ضروری ہے۔وفاقی سطح پر فیڈرل ٹریڈ کمیشن عمومی دھوکہ دہی اور آن لائن فراڈ، کنزیومر فنانشل پروٹیکشن بیورو مالیاتی اداروں سے متعلق شکایات، جبکہ کنزیومر پروڈکٹ سیفٹی کمیشن غیر محفوظ مصنوعات سے متعلق شکایات وصول کرتا ہے۔ اسی طرح ایف بی آئی کا انٹرنیٹ کرائم کمپلینٹ سینٹر آن لائن جرائم اور سائبر فراڈ کی شکایات سنبھالتا ہے۔ماہرین کے مطابق صارفین اپنی ریاست کے اٹارنی جنرل، مقامی صارف تحفظ کے دفاتر یا بڑے شہروں میں موجود 311 سروس کے ذریعے بھی شکایات درج کرا سکتے ہیں۔