نیویارک(ویب ڈیسک) نیویارک سٹی کے میئر ایرک ایڈمز نے کہا کہ انہیں اپنے کام پر فخر ہے، کیونکہ شہر میں روزگار کی شرح بلند ترین سطح پر ہے اور جرائم کی شرح میں کمی واقع ہوئی ہے۔
یہ بات میئر ایڈمز نے ایک ریڈیو شو کے دوران کہی جہاں انہوں نے شہر میں جرائم کے خلاف جاری مہم، آئندہ میئرل انتخابات، اور حال ہی میں وفات پانے والی شہری حقوق کی رہنما ڈاکٹر ہیزل این ڈیوکس کو خراج تحسین پیش کیا۔ ایڈمز نے کہا ان کی انتظامیہ نے رواں سال اب تک 1,000 سے زائد غیر قانونی اسلحے قبضے میں لیے ہیں، جب کہ ان کے دورِ اقتدار میں یہ تعداد 20,700 تک پہنچ چکی ہے۔ انہوں نے "گھوسٹ گنز” پر بھی تشویش کا اظہار کیا، جو بغیر کسی شناخت کے گھروں میں تیار کی جا سکتی ہیں۔ انہوں نے اپنی کامیابیوں کا بھی ذکر کیا، جن میں ملازمتوں میں اضافہ، جرائم میں کمی، اور معاشی استحکام شامل ہیں۔میئر ایڈمز نے آئندہ انتخابات پر بھی تبصرہ کیا اور کہا کہ انہیں اپنے کام پر فخر ہے، کیونکہ شہر میں روزگار کی شرح بلند ترین سطح پر ہے اور جرائم کی شرح میں کمی واقع ہوئی ہے۔ انہوں نے اپنی کارکردگی پر اعتماد کا اظہار کرتے ہوئے کہا، ہم سخت محنت جاری رکھیں گے اور عوامی خدمت کے لیے پرعزم رہیں گے۔