واشنگٹن(ویب ڈیسک) امریکی صدر ٹرمپ نے رواں ماہ کو سیاہ فام امریکی ہیروز کے نام کرتے ہوئے ان کے لیے مجسمہ باغ بنانے کا اعلان بھی کیا۔
میڈیا رپورٹس کے مطابق وائٹ ہاؤس میں بلیک ہسٹری مہینے کی استقبالیہ تقریب میں صدر ٹرمپ نے امریکی سیاہ فام گولفر ٹائیگر ووڈز کی تعریف کرتے ہوئے کہا کہ ماضی میں امریکی سیاہ فام لوگوں کو نظر انداز کیا گیا۔ اس لیے رواں ماہ کو امریکی سیاہ فام افراد کے نام کرتے ہیں۔رپورٹ کے مطابق ٹرمپ نے کہا کہ امریکا آنے والوں کو روکیں گے نہیں بلکہ قانونی طریقے سے آنے کا مشورہ دیں گے۔ صدر ٹرمپ نے سیاہ فام چیمپئن اور محب وطن امریکی ہیروز کے لیے مجسمہ باغ بنانے کا اعلان بھی کیا۔