نیویارک(ویب ڈیسک) نیویارک سٹی میں کرسمس تعطیلات کا آغاز ہوگیا راکفیلر سینٹر کا مشہور کرسمس درخت لائٹنگ سے جگمگا اٹھا۔
اس تقریب میں ہزاروں لوگوں نے شرکت کی جہاں شہر کے سب سے بڑے کرسمس درخت کو روشن کیا گیا۔ درخت کی روشنی میں ہزاروں چمکتی ہوئی لائٹس اور رنگین آرائش نے سٹی کے ماحول کو جادوئی بنا دیا۔اس ایونٹ میں مشہور فنکاروں نے پرفارم کیا۔ راکفیلر ٹری لائٹنگ نیو یارک سٹی کی تعطیلات کا ایک اہم اور روایتی حصہ ہے جسے لوگ دنیا بھر سے دیکھنے کے لیے آتے ہیں۔حکام نے سکیورٹی انتظامات کو بھی یقینی بنایا تاکہ ایونٹ کے دوران کسی بھی ناخوشگوار واقعے سے بچا جا سکے۔ اس سال کا درخت 80 فٹ لمبا تھا اور اس کی آرائش میں 50,000 سے زیادہ لائٹس استعمال کی گئیں تھیں۔