سعودی عرب(نمائندہ خصوی)پاکستانی وزیراعظم محمد شہباز شریف کی ون واٹر سربراہی اجلاس میں شرکت کی۔اس موقع پر شہباز شریف کی سعودی ولی عہد سے خوشگوار ماحول میں ملاقات بھی ہوئی۔ سعودی ولی عہد نے وزیر اعظم کی جانب سے دورہ ء پاکستان کی دعوت قبول کر لی کہا کہ جلد پاکستان کا دورہ کریں گے۔وزیراعظم محمد شہباز شریف نے سعودی عرب میں ون واٹر سربراہی اجلاس میں شرکت کی جہاں سعودی ولی عہد محمد بن سلمان سے خوشگوار ملاقات ہوئی دونوں رہنماؤں نے اتفاق کیا ہے کہ پاکستان اور سعودیہ کے لیے اپنے اقتصادی، تجارتی اور سرمایہ کاری کے تعلقات کو مزید فروغ دینا ضروری ہے ۔ سعودی ولی عہد نے چھ ماہ کے دوران پانچویں بار پاکستانی وزیر اعظم سے ملاقات پر خوشی کا اظہار کیا اور کہا کہ پاکستان اور سعودی عرب کے مابین تعاون کا فروغ پاکستان کی معاشی ترقی اور خوشحالی کیلئے کلیدی اہمیت رکھتا ہے۔وزیراعظم نے ولی عہد کا پاکستانی عوام کے لیے نیک خواہشات پر شکریہ ادا کیا اور جلد از جلد پاکستان کا دورہ کرنے کی اپنی دعوت کا اعادہ کیا جسے ولی عہد محمد بن سلمان نے قبول کرتے ہوئے کہا کہ وہ اپنے جلد دورہ پاکستان کے منتظر ہیں۔ دونوں رہنماؤں نے پاکستان میں سرمایہ کاری کے حوالے سے سعودی مفاہمتی یادداشتوں اور معاہدوں پر عملدرآمد کی رفتار پر اطمینان کا اظہار کیا۔