جدہ(نمائندہ خصوصی)سعودی عرب میں پیپلزپارٹی جدہ ریجن کی جانب سے یوم تاسیس کے حوالے سے تقریب کا انعقاد کیا گیا جس میں شرکاء نے اظہار خیال کرتے ہوئے کہا کہ پیپلزپارٹی پاکستان کی واحد سیاسی جماعت ہے جو جمہوری اقدار کو فروغ دیتے ہوئے پاکستان کی خدمت کر رہی ہے۔جدہ کے مقامی ہوٹل میں پاکستان پیپلز پارٹی سعودی عرب کی طرف یوم تاسیس کے حوالے سے تقریب کا انعقاد کیا گیا۔ پروگرام کا آغاز تلاوت قرآن پاک سے کیا گیا۔پروگرام کی صدارت پاکستان پیپلز پارٹی سعودی عرب کے صدر تصور چوہدری تھے۔ دیگر مہمانوں میں سینئر نائب صدر ملک جاوید حسین اعوان،راجہ اعجاز حسین جنجوعه صدر جده،ملک تکاثر الخلیل احمد ، عدیل ، اور دیگر ممبران و کارکنان کی بڑی تعداد نے شرکت کی.تقریب سے شرکا نے اظہار خیال کرتے ہوئے کہا کہ پیپلز پارٹی پاکستان کی واحد سیاسی جماعت ہے جو جمہوری اقدار کو فروغ دیتے ہوئے پاکستان کی خدمت کر رہی ہے۔ منعقدہ تقریب میں پیپلز پارٹی کے 57 ویں یوم تاسیس کے حوالے سے منعقدہ تقریب میں جیالوں نے بھر پور شرکت کی اس موقعہ پر پیپلز پارٹی صدر تصور چوہدری نے گفتگو کرتے ہوئے کہا کہ پیپلز پارٹی پاکستان کی واحد ایسی جماعت ہے جس نے اپنے قیام کے دن سے لیکر آج تک سیاسی اور جمہوری اقدار کو فروغ دیا ہے اور ہمیشہ ملک کو آئین کے مطابق چلانے پر زور دیا ہے تا کہ پیپلز پارٹی آج بھی ذوالفقار علی بھٹو شہید اور محترمہ بینظیر بھٹو شہید کے نظریے پر کھڑا ہے جو عام پاکستانی کی ترقی اور خوشحالی کا نظریہ ہے اور ملک کو محکم بناتے ہوئے اس کو دنیا میں وہ مقام دلانا ہے جس کا پاکستان حق رکھتا ہے اس کے لیے آج کی نوجوان نسل کو آگے بڑھ کر پاکستان کے لیے پیپلز پارٹی کا ساتھ دینے کی ضرورت ہے تا کہ پاکستان حقیقی معنوں میں ایک فلاحی اور جمہوری ریاست کے طور پر سامنے آسکے۔ آخر میں یوم تاسیس کا کیک بھی کاٹا گیا۔