نیویارک:پاکستان کے قونصل جنرل جناب عامر احمد اتوزئی نے حال ہی میں نیویارک کی مختلف یونیورسٹیوں میں زیر تعلیم پاکستانی طلباء سے ملاقات کی۔ ملاقات کا بنیادی مقصد طلباء کے تحفظات کو سننا اور ان کےمسائل کو ترجہی بنیادوں پر حل کرنا ہے۔جن کا طلباء کو امریکہ میں پڑھائی کے دوران سامنا کرنا پڑتا ہے۔قونصل جنرل نے اس عزم کا اعادہ کیا کہ پاکستانی طلباء کو یونیورسٹیوں میں داخلے سے لے کر ان کی ملازمت تک بھرپور مدد فراہم کی جائے گی ۔انہوں نے کہا کہ قونصل خانہ طلباء کی ابتدائی تصفیہ، لاجسٹکس، قانونی مسائل، رہائش، اور ثقافتی انضمام کے ساتھ مقامی امداد کو فعال کرنے کے لیے وقف ہے۔قونصل جنرل نے طلباء کے سامنے وسائل اور نیٹ ورکنگ کے مواقع پیش کرنے کے منصوبوں کا خاکہ پیش کیا۔اس خاکے کے تحت طلباء کو پوسٹ گریجویشن کے بعد انٹرن شپ اور روزگار کو محفوظ بنانے میں مدد فراہم کرنا ہے۔ملاقات کے دوران عامر احمد اتوزئی نے پاکستانی طلباء کے ساتھ مضبوط روابط برقرار رکھنے کی اہمیت پر زور دیا اور طلباء کی حوصلہ افزائی بھی کی۔ اتوزئی نے طلباء کو مخاطب کرتے ہوئے کہا کہ قونصل خانے کے دروازے طلباء کے لیے کھلے ہیں وہ اپنے تحفظات اور تجاویز جمع کراسکتے ہیں ۔ سیشن کا اختتام ایک غیر رسمی گفتگو کے ساتھ ہوا، جہاں طلباء کو اپنے مخصوص مسائل کو براہ راست حل کرنے اور قونصل جنرل سے رائے حاصل کرنے کا موقع ملا۔نیویارک میں پاکستان کا قونصلیٹ جنرل پاکستانی طلباء برادری کی حمایت اور امریکہ میں ان کی تعلیمی اور پیشہ ورانہ کامیابی کو یقینی بنانے کے اپنے مشن میں ثابت قدم ہے۔