پاکستانی مندوب کی دنیا بھر میں بڑھتی ہوئی نفرت تشدد پر گہری تشویش
فلسطین اور جموں وکشمیر میں بڑھتی ہوئی نفرت،تشدد اور تنازعات پر گہری تشویش کا اظہار کیا،اسلامو فوبیا سے نمٹنے کے لیے پاکستان کی کوششوں پر روشنی ڈالی
اقوام متحدہ میں پاکستان کے مستقل مندوب سفیر منیر اکرم نے اقوام متحدہ کی جنرل اسمبلی سے امن کی ثقافت کے موضوع پر خطاب کے دوران فاشزم،جارحیت اور قبضے کا مقابلہ کرتے ہوئے امن کی ثقافت کو فروغ دینے کی اہمیت پر زور دیا۔منیر اکرم نے پوری دنیا بالخصوص فلسطین اور جموں و کشمیر میں بڑھتی ہوئی نفرت،تشدد اور تنازعات پر گہری تشویش کا اظہار کیا۔انہوں نے اسلامو فوبیا سے نمٹنے کے لیے پاکستان کی کوششوں پر روشنی ڈالی اور بی جے پی-آر ایس ایس حکومت کے تحت ہندوستان میں اسلامو فوبیا کے اظہار کی مذمت کی۔سفیر اکرم نے مسلمانوں،عیسائیوں اور دلتوں کے خلاف تشدد کے واقعات کا حوالہ دیتے ہوئے ہندوستان میں ہندوتوا نظریہ اور اس کے نفاذ پر تنقید کی۔

انہوں نے مقبوضہ جموں و کشمیر میں بھارت کے اقدامات کی بھی مذمت کی اور وہاں کے لوگوں کے حق خود ارادیت کا مطالبہ کیا۔انہوں نے پاکستان کی طرف سے بی جے پی۔آر ایس ایس حکومت حکومت کی جارحیت کے خلاف خبردار کیا اور جنوبی ایشیاء میں امن کے لیے ہندوتوا فاشزم کی مخالفت کرنے کی فوری ضرورت پر زور دیا۔انہوں نے فاشزم،جارحیت اور قبضے کا مقابلہ کرتے ہوئے امن کی ثقافت کو فروغ دینے کی اہمیت پر زور دیا۔