شاہ سلمان بن عبدالعزیز السعود افطار پروگرام میں سعودی سفارت خانے کے حکام اور سعودی دفاتر کے ڈائریکٹرز، بین الاقوامی اسلامی یونیورسٹی کے صدر، ڈاکٹر ھذال حمود العتیبی، یونیورسٹی کے دیگر افسران اور جڑواں شہروں کے ہزاروں افراد نے شرکت کی۔اسلام آباد میں اس افطاری کے بعد سفارت خانہ ملک بھر میں روزانہ کی بنیاد پر یہ پروگرام جاری رکھے گا۔ یہ پروگرام سعودی عرب کی اسلامی امور کی وزارت کے زیر اہتمام سفارت خانوں کے زریعے دنیا کے مختلف مسلم ممالک میں ہر سال ترتیب دیا جاتا ہے۔ پاکستان میں ہر سال افطار پروگرام کا اہتمام برادر ملک کی ایک روایت بن چکی ہے۔شہریوں نے فیصل مسجد میں افطاری کے شاندار انتظامات کو سراہا اور پاکستانی عوام کے لیے محبت بھائی چارے کے جزبے پر سعودی حکومت کا شکریہ ادا کیا۔