بائیڈن کا حافظہ پھر لڑھک گیا، مصری صدر کو میکسیکو سے جوڑ دیا
جب میڈیا کے نمائندوں نے ان کے حافظے پر سوال اٹھایا تو امریکی صدر نے اس بات پر اصرار کیا کہ ان کا حافظہ کسی بھی اعتبار سے کمزور نہیں۔ انہوں نے طنزیہ کہا کہ ہاں، میرا حافظہ کمزور ہے تبھی تو میں آپ کو بولنے دیتا ہوں۔ اس کے فوراً بعد انہوں نے مصر کے صدر عبدالفتاح سعید حسین خلیل السیسی کو میکسیکو کا صدر قرار دے دیا۔ سرکاری وکیل رابرٹ ہُر نے صدر کے حافظے کو کمزور اور خرابی والا قرار دیا تھا جس پر صدر بائیڈن نے شدید برہمی کا اظہار کیا تھا۔ایوانِ صدر کی ایک تقریب کے دوران بنائی جانے والی وڈیو میں اُنہیں یہ کہتے ہوئے سُنا جاسکتا ہے کہ ہاں، میں بوڑھا ہوگیا ہوں مگر میرا حافظہ ایسا گیا گزرا نہیں ہے اور میں جو کچھ بھی کر رہا ہوں اُس کے بارے میں اچھی طرح جانتا ہوں۔رابرٹ ہُر نے صدر کے حافظے کا سوال 2017 میں اُس وقت اٹھایا تھا جب انہوں نے نائب صدر کا منصب چھوڑنے کے بعد انتہائی حسۤاس دستاویزات بھی اپنے پاس رہنے دی تھیں۔صدر بائیڈن نے مصری ہم منصب کے حوالے سے بتایا کہ ان سے رابطہ کرکے غزہ کے لیے امداد کی ترسیل کی خاطر رفاہ کی سرحد کھولنے کی استدعا کی گئی تھی ۔