امریکااگرسمجھتا ہے اسرائیل کا مقابلہ کرنا چھوڑ دیں گےتویہ اس کی غلطی ہے،حسن نصر اللہ

حزب اللہ کے سربراہ حسن نصر اللہ نے کہا ہے کہ یمن پر حملہ امریکا اور برطانیہ کی حماقت ہے ۔امریکااگرسمجھتا ہے اسرائیل کا مقابلہ کرنا چھوڑ دیں گےتویہ اس کی غلطی ہے۔اپنے ردعمل میں حسن نصر اللہ نے نے کہا کہ امریکی اقدامات سے سمندری بحری سفر کو خطرہ لاحق ہے کیونکہ یہ لڑائی، میزائلوں، ڈرونز اور جنگی جہازوں کا تھیٹر بن چکا ہے۔فلسطینیوں کے ساتھ اظہار یکجہتی کے لیے تناؤ والے اس بحری علاقے میں حوثی باغیوں کی جانب سے عالمی تجارتی جہازوں پر میزائل اور ڈرون حملوں کی وجہ سے جہاز رانی کمپنیوں کو اپنا راستہ تبدیل کرنا پڑا تھا، امریکا نے دسمبر کے اوائل میں بحیرہ احمر کے لیے ایک کثیر القومی بحری ٹاسک فورس بھی قائم کی ہے۔انٹرنیشنل چیمبر آف شپنگ کے مطابق عالمی تجارت کا 12 فی صد بحیرہ احمر سے گزرتا ہے، جو نہر سویز کے ذریعے افریقہ سے گزرنے کا شارٹ کٹ فراہم کرتا ہے۔ خیال رہے کہ دو دن قبل امریکی بحریہ کے ہیلی کاپٹروں نے یمن سے ایک مال بردار بحری جہاز پر چڑھنے کی کوشش کرنے والے حوثی باغیوں پر فائرنگ کی تھی، جس میں حوثی باغیوں کے 10 جنگجو مارے گئے تھے۔