vosa.tv
Voice of South Asia!

امریکی بحریہ کے دو سیلرز صومالیہ کے ساحل سے لاپتہ

0

امریکی بحریہ کے دو سیلرز صومالیہ کے ساحل میں لاپتہ ہوگئے۔امریکی سینٹرل کمانڈر نے دو سیلرز کے صومالیہ کے ساحل میں لاپتہ ہونے کی تصدیق کرتے ہوئے بتایا کہ دونوں سیلرز صومالیہ کے ساحل پر ایک آپریشن میں مصروف تھے تاہم اب ان کا کوئی پتا نہیں۔امریکی سینٹرل کمانڈر کا کہنا ہے کہ دونوں سیلرز کی لوکیشن کا پتہ لگاکر ان کی تلاش کے لیے ریسکیو آپریشن جاری ہے۔ امریکی سینٹرل کمانڈر کی جانب سے اس حوالے سے کوئی اضافی تفصیلات جاری نہیں کی گئی ہیں کہ دونوں سیلرز لاپتہ ہونے کے وقت کیا کررہے تھے۔ امریکی بحریہ کا بتانا ہےکہ دونوں سیلرز امریکی بحریہ کے پانچویں فلیٹ ایریا سے آگے کی طرف تعینات تھے جو ایک مشن میں معاونت کررہے تھے۔امریکی سینٹرل کمانڈر کا کہنا ہےکہ دونوں سیلرز کی فیملیز کو دھیان میں رکھتے ہوئے اس حوالے سے فوری مزید کوئی تفصیلات جاری نہیں کی گئی ہیں۔امریکی فوج صومالیہ کے ساحل میں الشباب گروپ کے خطرے کے پیش نظر چھوٹے آپریشن کرتی ہے اور امریکا الشباب کو تخریب کار تنظیم سمجھتا ہے جب کہ امریکا اس سلسلے میں صومالی حکومت سے مل کر ان کی فوج کو بھی ٹریننگ فراہم کرتا ہے۔

جواب چھوڑیں

آپ کا ای میل ایڈریس شائع نہیں کیا جائے گا.