غزہ میں اسرائیلی حملوں کے 100 روز مکمل ہوگئے ۔اس دوران 23,843 فلسطینی شہید جبکہ 60,317 زخمی ہوئے۔ حملوں کے نتیجے میں غزہ میں 18 لاکھ فلسطینی بے گھر بھی ہوئے۔ اسرائیلی کارروائیوں میں مغربی کنارے میں بھی 347 فلسطینی شہید ہوئے جبکہ 4000 زخمی ہوگئے ۔ مغربی کنارے میں چھاپہ مار کارروائیوں میں 1208 فلسطینی بے گھر ہوگئے ۔حماس کی قید سے 250 یرغمالیوں میں سے 121 کو رہا کردیا گیا۔33 یرغمالی حملوں میں مر گئے اور 136 بدستور حماس کی قید میں موجود ہیں۔غزہ پرسات اکتوبر سے اب تک 29,000 بم اور گولے گرائے گئے جبکہ اسرائیل کی جانب سے 14,000 راکٹ داغے گئے۔غزہ میں اسرائیلی حملوں میں تقریباً 50 فیصد عمارتیں تباہ ہوگئیں اور 36 میں سے 15 اسپتال فعال ہیں جبکہ 69 فیصد اسکول تباہ ہوگئے۔تازہ ترین کارروائیوں میں اسرائیلی فوج نے حماس رہنما العروری کی بہنوں کو حراست میں لے لیا۔ چھاپوں کے دوران 14 فلسطینی شہید ہوگئے۔