شیخ حسینہ کا 71میں شہید ہونے والےدانشوروں کو خراج عقیدت
بنگلہ دیشی صدر محمد شہاب الدین اور وزیر اعظم شیخ حسینہ نے یوم شہدائے دانشور کے موقع پر 1971 میں شہید ہونے والے دانشوروں کو خراج عقیدت پیش کیا۔صدر اور وزیراعظم نے میرپور میں یادگار شہداء دانشور پر الگ الگ پھولوں کی چادریں چڑھائیں۔بنگلہ دیش کی مسلح افواج کے دستے نے سرکاری سلامی دی۔ بعد ازاں وزیراعظم نے جنگ میں زخمی ہونے والے آزادی پسندوں اور شہید دانشوروں کے اہل خانہ سے بات چیت کی۔شیخ حسینہ اس کے بعد دھانمنڈی گئیں اور بنگ بندھو میموریل میوزیم کے سامنے بنگا بندھو شیخ مجیب الرحمن کی تصویر پر پھولوں کی چادر چڑھائی۔بعدازاں وہ بنگلہ دیش کی آزادی کے معمار، بنگ بندھو کی یاد میں احترام کے طور پر کچھ دیر وہاں کھڑی رہیں۔