سعودی عرب میں پاکستان کے معروف اور نامور شخصیت ڈاکٹر ریاض خواجہ انتقال کر گئے وہ کچھ عرصہ سے علیل تھے۔ حکومت پاکستان نے انہیں خدمات کے اعزاز میں تمغہ امتیاز سے نوازا تھا۔سعودی دارالحکومت ریاض میں1971 سے مقیم پاکستانی ڈاکٹر ریاض خواجہ پاکستانی کمیونٹی کے لیے کسی مسیحا سے کم نہیں تھے۔انہوں نے کنگ خالد ہسپتال اور ریاض سینٹرل ہسپتال میں خدمات انجام دیں اور پرائیویٹ کلینک کے ذریعے اپنے ہم وطنوں کو مفت طبی سہولیات فراہم کرتے رہے جبکہ پاکستان ڈاکٹر گروپ اور پاکستان کلچرل گروپ کے تاحیات بطور چیرمین خدمات انجام دیتے رہے۔ سعودی رائل ڈاکٹروں کی ٹیم میں کام کرنے کے اعزاز کے ساتھ ساتھ حکومت پاکستان نے بھی خدمات کے اعزاز میں تمغہ امتیاز سے نوازا۔سعودی عرب میں مقیم پاکستانی اور سعودی شہریوں نے ڈاکٹر ریاض خواجہ کی وفات پر گہرے دکھ اور افسوس کا اظہار کیا ہے