نئی دہلی:بھارتی ائرلائن نے ائیر انڈیا کے جہاز میں پانی ٹپکنے کی وائرل ویڈیو پر وضاحت پیش کردی۔ائیر لائن کے مطابق متاثرہ قطاروں میں بیٹھے ہمارے کچھ مہمانوں کو فوری طور پر دوسری خالی نشستوں پر منتقل کردیا گیا اور حالات کو دیکھتے ہوئے کیبن کریو نے مہمانوں کے آرام کویقینی بنانے کی ہر ممکن کوشش کی تھی۔وضاحتی بیان میں مزید کہا گیا تھا کہ ائیرانڈیا جہاز میں سوار مہمانوں کی حفاظت اور آرام کے لئے پُرعزم ہے اور ہمیں اس غیر متوقع واقعہ پر افسوس ہے۔سوشل میڈیا پر وائرل ہونے والی ویڈیو 24 نومبر کی ہے،یہ پرواز گیٹ وک سے امرتسر جارہی تھی جس دوران یہ انوکھا واقعہ پیش آیا۔ویڈیو میں مسافروں کی نشستوں پر اوورہیڈ باکسز سے مسلسل پانی ٹپکتے ہوئے دیکھا جاسکتا ہے۔چونکہ ابتدائی طور پر پانی کے ٹپکنے کی وجہ کا تعین نہیں کیا جاسکا تھا،لہذا سوشل میڈیا پر صارفین نے بھارتی ائیرلائن کو شدید تنقید کا نشانہ بنایا تھا۔