نیویارک اسٹیٹ ڈیموکریٹک پارٹی کی مسلم امریکنز آف لانگ آئی لینڈ سے ملاقات

نیویارک اسٹیٹ ڈیموکریٹک پارٹی کے چیئر جے جیکبز اور پارٹی قیادت نے مسلم امریکنز آف لانگ آئی لینڈ کے نمائندوں سے ملاقات کی، جس میں مسلم کمیونٹی کی سیاسی نمائندگی، قیادت کے مواقع، کمیونٹی کی سلامتی، مسلم امیدواروں کی حمایت اور مسلم تنظیموں کو سرکاری وسائل تک منصفانہ رسائی پر گفتگو کی گئی۔

مسلم امریکنز آف لانگ آئی لینڈ کے نمائندوں نے نیویارک اسٹیٹ ڈیموکریٹک پارٹی کے چیئر جے جیکبز اور پارٹی قیادت کے ساتھ ایک اہم ملاقات  کی۔ یہ ملاقات خوشگوار اور مثبت رہی جس میں مسلم کمیونٹی کے مسائل اور ضروریات پر کھل کر بات کی گئی۔گفتگو کے دوران مسلم کمیونٹی کی بہتر نمائندگی، قیادت میں آگے آنے کے مواقع، کمیونٹی کی حفاظت، مسلم امیدواروں کی حمایت، اور مسلم تنظیموں کو سرکاری وسائل تک برابر رسائی جیسے موضوعات شامل تھے۔شرکاء نے کہا کہ مسلم کمیونٹی کو صرف سننا  ہی نہیں بلکہ فیصلوں میں شامل کیا جانا بھی بہت ضروری ہے تاکہ وہ اپنی کمیونٹی اور خاندانوں سے متعلق پالیسیوں میں اپنا کردار ادا کر سکیں۔پارٹی قیادت نے مسلم کمیونٹی کے ساتھ مستقبل میں بھی رابطہ اور تعاون جاری رکھنے کی یقین دہانی کرائی۔ شرکاء نے امید ظاہر کی کہ یہ بات چیت جلد عملی اقدامات کی صورت اختیار کرے گی۔