نیویارک: پانچواں سالانہ ایشئن امریکن ہیریٹیج منتھ بھرپور انداز میں منایا گیا
نیویارک میں پانچواں سالانہ ایشئن امریکن ہیریٹیج منتھ بھرپور انداز میں منایا گیا۔ موسیقی اور رنگا رنگ ثقافتی پر فارمنس نے سب کے دل موہ لیے ۔ نمایاں شخصیات کو سائیٹیشن بھی پیش کی گئیں۔
لانگ آئی لینڈ کے ہیمپسٹیڈ ٹاؤن بورڈ اورڈیپارٹمنٹ کمیونٹی نٹی افیئرز کے سپر وائزر جان فریٹی نے پانچویں سالانہ ایشئن امریکن کمیونٹی کے ثقافتی ورثے کی مناسبت سے رنگا رنگ تقریب کا اہتمام کیا۔ تقریب کے انعقاد میں ہیمپسٹیڈ ٹاؤن س زاہد سید نے اہم کردار ادا کیا ۔کمیونٹی ممبران پر مشتمل گروپس نے پاکستان کے چاروں صوبوں سمیت کشمیر اور گلگت بلتستان کی ثقافت کی ایسی جاندار عکاسی کی کہ شرکاء داد دیے بغیر نہ رہ سکے ۔ تقریب میں پاکستانی امریکن کمیونٹی آف یو ایس اے سمیت دیگر تنظیموں کے عہدیدران و ممبران نے کثیر تعداد میں شرکت کی ۔پیک یو ایس اے کے جنرل سیکرٹری عاصم ملک نے ٹاون آف ہیمپسٹیڈ سے خوبصورت تقریب سجانے پر اظہارِ تشکر کیا ۔ ان کا کہنا تھا کہ مختلف تہذیب و ثقافتوں کے اکھٹے ہونے سے زیادہ خوشگوار احساس کوئی اور نہیں ہوسکتا۔ثقافتی ورثے کی تقریب میں پاکستان کے علاوہ دیگر ایشیائی ممالک کے باشندوں نے بھی اپنی تہذیب و ثقافت کا شاندار مظاہرہ پیش کیا۔۔شرکاء نے اپنی ملکی و علاقائی ثقافت کی عکاسی کے لیے دیدہ زیب ملبوسات زیب تن کر رکھے تھے جس سے تقریب میں رنگوں میں مزید اضافہ ہوگیا ۔ آخر میں ٹاؤن آف ہیمسپٹیڈ کی طرف سے کمیونٹی سروسز میں نمایاں مقام رکھنےو الی شخصیات کو ان کی خدمات کے اعتراف میں سائیٹیشن بھی پیش کی گئیں ۔