امریکا میں رہائش پزیر ایک غیر ملکی شہری جولین لوپیز کو میڈیکیئر سے 3.2 ملین ڈالر سے زائد کی فراڈ اسکیم میں ملوث ہونے کے جرم میں 30 ماہ قید کی سزا سنائی گئی ہے۔
امریکی محکمہ انصاف کے جاری کردہ پریس ریلیز کے مطابق، فلوریڈا کے میامی ڈیڈ کاؤنٹی میں مقیم لوپیز نے میڈیکیئر کے مستفیدین کے شناختی کارڈ حاصل کیے اور ان کی ذاتی معلومات ایک جعلی میڈیکل آلات کمپنی "ون میڈیکل سروسز” کو فروخت کیں۔ لوپیز کو معلوم تھا کہ یہ شناختی کارڈز میڈیکیئر کو جعلی دعوے پیش کرنے کے لیے استعمال ہوں گے۔ اس کمپنی نے ان معلومات کی بنیاد پر ایسے آرٹھوٹک بریسز کے نام پر 3.2 ملین ڈالر سے زائد جعلی بلز میڈیکیئر کو دیے جو مستفیدین کو فراہم نہیں کیے گئے۔لوپیز نے فروری 2025 میں صحت کی فراڈ کے دو الزامات میں گناہ قبول کیا تھا۔ سزا کے موقع پر اسے 14,96,412 ڈالر کے مالی جرمانے کی ادائیگی کا حکم بھی دیا گیا۔ امریکی محکمہ انصاف، ایف بی آئی، اور محکمہ صحت کے انسپکٹر جنرل کے میامی دفتر نے اس کیس کی تحقیقات کیں۔ عدالت میں اس کیس کی پیروی کرنیوالے وکلاء میں اسسٹنٹ چیف ایمیلی گرسکس اور ٹرائل اٹارنی اوون ڈن شامل ہیں۔ یہ کیس صحت کی فراڈ کے خلاف وفاقی کوششوں کا حصہ ہے جس کے تحت اب تک 5800 سے زائد ملزمان کے خلاف کارروائیاں کی جا چکی ہیں جنہوں نے 30 ارب ڈالر سے زائد کے جعلی دعوے کیے۔