کوئنز(ویب ڈیسک) فاریسٹ ہلز اسٹیڈیم میں اس موسمِ گرما میں بھی موسیقی کی گونج سنائی دے گی، کیونکہ نیویارک سٹی کی انتظامیہ نے اس مشہور و معروف مقام کو ایک بار پھر کنسرٹس منعقد کرنے کی اجازت دے دی ہے۔
یہ فیصلہ ان شکایات کے باوجود کیا گیا ہے جو قریبی رہائشیوں کی جانب سے شور شرابے اور ہجوم سے پیدا ہونے والی پریشانیوں کے حوالے سے سامنے آئی تھیں۔ مکینوں کا کہنا ہے کہ کنسرٹس کے دوران شور بڑھ جاتا ہے اور آس پاس کے علاقوں میں ٹریفک و ہنگامہ خیزی سے زندگی متاثر ہوتی ہے۔انتظامیہ نے ان خدشات کو مدنظر رکھتے ہوئے اسٹیڈیم کی جانب سے اضافی حفاظتی اقدامات کا وعدہ کیا ہے۔ اب کنسرٹس کے دوران اسٹیڈیم انتظامیہ کی جانب سے اطراف کی گلیوں میں سیکورٹی گارڈز تعینات کیے جائیں گے تاکہ علاقے میں نظم و ضبط برقرار رکھا جا سکے اور رہائشیوں کو کم سے کم تکلیف ہو۔فاریسٹ ہلز اسٹیڈیم تاریخی لحاظ سے بھی ایک اہم مقام رکھتا ہے اور گزشتہ کئی دہائیوں سے موسیقی کے شائقین کے لیے تفریح کا مرکز رہا ہے۔ اس حالیہ پیش رفت سے اندازہ ہوتا ہے کہ شہر کی انتظامیہ ثقافتی سرگرمیوں کو جاری رکھنے کے ساتھ ساتھ مقامی آبادکا بھی خیال رکھنا چاہتی ہے۔