امریکا میں برفانی طوفان نے بڑے پیمانے پر تباہی مچادی ہے۔ برفانوی طوفان، سیلاب اور دیگر واقعات میں جاں بحق افراد کی تعداد 14 ہوگئی ہے۔
حکام کے مطابق امریکا کے وسطی اور مشرقی حصوں میں درجہ حرارت نقطعۂ انجماد سے بھی گر گیا۔ امریکی ریاستوں مونٹانا اور نارتھ ڈکوٹا میں درجۂ حرارت منفی 51 ڈگری سینٹی گریڈ تک پہنچ گیا ہے۔ ویسٹ ورجینیا اور جارجیا سمیت دیگر ریاستوں میں بھی ٹھنڈ بڑھ گئی۔ برفانوی طوفان، سیلاب اور دیگر واقعات میں جاں بحق ہونے والے شہریوں کی تعداد 14 ہوگئی جب کہ ایک ہزار کو محفوظ مقام پر منتقل کر دیا گیا ہے۔ مغربی ورجینیا، پنسلوانیا اور میری لینڈ میں 50 ہزار سے زائد صارفین بجلی سے محروم ہیں۔اور کئی علاقوں میں ریکارڈ سردی کی پیشن گوئی ہے۔ محکمۂ موسمیات نے شہریوں کو ہدایت کی ہے کہ دو چار روز تک موسم خراب رہے گا اس لیے بلاضرورت گھروں سے باہر نہ نکلیں۔