واشنگٹن(ویب ڈیسک) امریکا کے محکمہ برائے حکومتی کارکردگی کے رکن اور ٹیسلا کے سی ای ایلون مسک نے امریکا کو دیگر ممالک کے معاملات میں مداخلت بند کرنے کا مشورہ دیا ہے۔
الیکٹرک گاڑیاں بنانے والی امریکی کمپنی ٹیسلا کے سی ای او اور امریکا کے محکمہ برائے حکومتی کارکردگی کے رکن ایلون مسک نے بذریعہ ویڈیو لنک دبئی میں ورلڈ گورنمنٹ سمٹ سے خطاب کرتے ہوئے کہا کہ امریکا کو حکومتیں تبدیل کرنے کی پالیسی ترک کرنی چاہیے،اپنے ملک پر توجہ دینی چاہیے۔ انہوں نے کہا کہ پرانی بیوروکریسی کو ختم کرنا ہوگا،امریکی حکومتی اخراجات میں ایک کھرب ڈالر سے زیادہ کمی ممکن ہے۔ ایلون مسک نے دبئی لوپ منصوبے کا بھی اعلان کیا۔ دبئی لوپ 20 ہزار مسافروں کو ایک مقام سے دوسرے مقام پہنچا سکے گی۔