vosa.tv
Voice of South Asia!

ٹرمپ کا ایران کو جوہری ہتھیار بنانے سے روکنے کیلئے ایگزیکٹو آرڈر پر دستخط

0

واشنگٹن(ویب ڈیسک) امریکی صدر ڈونلڈ ٹرمپ نے اقوام متحدہ کی انسانی حقوق کونسل سے علیحدگی، فلسطینی پناہ گزینوں کی امدادی ایجنسی انروا کی فنڈنگ معطل کرنے، اور ایران کو جوہری ہتھیاروں سے روکنے کے لیے ایگزیکٹو آرڈر پر دستخط کر دیے ہیں۔

امریکی رپورٹس کے مطابق ڈونلڈ ٹرمپ نے  ایران کو جوہری ہتھیاروں کے حصول سے روکنے کے میمو پر دستخط کرتے ہوئے کہا کہ ایران نیوکلیئر ہتھیار نہیں رکھ سکتا، ایرانی صدر سے بات چیت کریں گے۔ ڈونلڈ ٹرمپ کا کہنا تھا کہ ایران نیوکلیئر ہتھیار بنانے کے انتہائی قریب ہے، ایرانی تیل کی دوسرے ممالک کو فروخت پر پابندی لگانے کا اختیار رکھتے ہیں۔ ٹرمپ نے کہا کہ اگر ایران نے امریکا پر جوابی حملہ کیا اور مجھے مارنے کی کوشش کی، تو ایران کو مکمل تباہ کر دیا جائے گا۔ صدرٹرمپ نے کہا کہ یو ایس ایڈ میں بہت فراڈ ہو رہا ہے، اسے بند کردیں گے، چاہتاہوں کہ ایگزیکٹو آرڈر کے ذریعے امریکی محکمہ تعلیم بھی بند کردوں۔ امریکی مجرموں کو کسی دوسرے ملک کی جیلوں میں قید رکھنا ٹھیک ہو گا۔کئی ممالک امریکا کے مجرموں کو قید میں رکھنے پر تیار ہیں۔

جواب چھوڑیں

آپ کا ای میل ایڈریس شائع نہیں کیا جائے گا.