روٹگرز یونیورسٹی میں سوشل میڈیا کے ذریعے منشیات کی اسمگلنگ کے الزام میں سات افراد گرفتار

نیو جرسی(ویب ڈیسک) امریکی ریاست نیو جرسی کی روٹگرز یونیورسٹی میں سوشل میڈیا کے ذریعے منشیات کی اسمگلنگ کرنے والے ایک گروہ کے خلاف کارروائی کرتے ہوئے سات طلباء کو گرفتار کر لیا گیا ہے۔

پولیس کے مطابق یہ گروہ سوشل میڈیا کے مختلف پلیٹ فارمز پر شہریوں کو نشہ آور مواد فراہم کر رہا تھا۔گرفتار شدگان میں یونیورسٹی کے طلباء بھی شامل ہیں جنہیں منشیات کے کاروبار میں ملوث ہونے کے الزام میں حراست میں لیا گیا ہے۔ پولیس نے گروہ کی سرگرمیوں کا پتہ چلانے کے بعد متعدد مقامات پر چھاپے مارے اور منشیات، رقم اور دیگر سامان ضبط کر لیا۔ حکام کا کہنا ہے کہ یہ گروہ خاص طور پر کیمپس کے اندر اور اس کے اردگرد نوجوانوں کو منشیات فراہم کرتا تھا جس کی وجہ سے یونیورسٹی کی کمیونٹی میں تشویش پھیل گئی تھی۔ اس واقعے کے بعد یونیورسٹی انتظامیہ نے اپنے طلباء کے لیے آگاہی پروگرامز شروع کرنے کا اعلان کیا تاکہ اس طرح کے غیر قانونی سرگرمیوں کا سدباب کیا جا سکے اور کیمپس میں محفوظ ماحول فراہم کیا جا سکے۔ پولیس نے مزید تحقیقات کا آغاز کر دیا ہے تاکہ اس گروہ کے دیگر ارکان تک پہنچا جا سکے۔