جدہ(نمائندہ خصوصی)سعودی عرب میں ریڈسی فلم فیسٹیول کے چوتھے ایڈیشن کا آغاز ہوگیا۔لیجنڈ بھارتی اداکار عامر خان اور برطانوی اداکارہ ایملی بلنٹ کو ریڈسی ایوارڈ سے نوازا گیا۔سعودی عرب کے ساحلی شہر جدہ میں ریڈسی فلم فیسٹول کے چوتھے ایڈیشن کی رنگارنگ تقریب میں اداکاروں کے علاوہ فلم ڈائریکٹرز اور پروڈیوسرز بھی شریک تھے جبکہ انٹرٹینمنٹ انڈسٹری کی دیگر اہم شخصیات بھی فلم فیسٹول کی تقریب کا حصہ تھیں اس موقعہ پر بالی ووڈ کے لیجنڈ اداکار مسٹر پرفیکٹ عامر خان کو فلم دنگل اور گجنی کے حوالے سے ریڈسی فلم ایوارڈ سے نوازا گیا برطانوی اداکارہ ایملی بلنٹ کو فلم کوائٹ پلیس اور اوپین ہائمر میں شاندار اداکاری پر ایوارڈ سے نوازا گیا ریڈ سی فلم ایوارڈ ملنے پر شکریہ ادا کرتے ہوئے عامر خان نے عالمی فنکاروں کو یکجا کرنے میں فیسٹیول کی کاوشوں کو سراہا انہوں نے کہا سینما میری زندگی کا سب سے بڑا شوق رہا ہے اور دنیا بھر کے اہم ترین فنکاروں کے درمیان ہونا فخر کی بات ہے ریڈ سی انٹرنیشنل فلم فیسٹیول کے پلیٹ فارم سے یہ اعزاز حاصل کرنا میرے لیے بہت عزت کی بات ہے۔برطانوی اداکارہ ایملی بلنٹ کا کہنا تھاکہ مجھے خاص طور پر یہ جان کر خوشی ہوئی ہے کہ یہ فیسٹیول سینما میں خواتین کو بااختیار بنانے اور ان کی آواز بلند کرنے کے لیے کام کر رہا ہے۔ریڈ سی فلم فاؤنڈیشن کی چیئرپرسن جمانا الراشد نے کہا کہ ریڈسی فلم فیسٹول جہاں بین الاقوامی اداکاروں کی حوصلہ افزائی کر رہا ہے وہیں فیسٹول میں فلموں کی نمائش کرکے ثقافتی سرگرمیوں کوبھی فروغ دے رہا ہے۔ ریڈسی فلم امریکی اداکارہ ایوا لونگوریا، امریکی اداکار اینڈریو گارفیلڈ اور انڈین ایکٹر رنبیر کپور خصوصی طور پر شریک ہوئے