افغانستان میں بارودی سرنگوں سے بچوں کی اموات میں اضافے پر اقوام متحدہ کے دفتر برائے رابطہ برائے انسانی امور نے خطرے کی گھنٹی بجا دی۔افغانستان میں دوہزار بارئیس سے اب تک پندرہ سو سے زائد اموات بارودی سرنگوں کے باعث ہوئیں۔دو ہزار اکیس میں طالبان کے اقتدار پر قابض ہونے کے بعد افغانستان میں اسلحہ کے استعمال اور بارودی سرنگوں میں خاطر خواہ اضافہ ہوا ہے۔حال ہی میں اقوام متحدہ کے دفتر برائے رابطہ برائے انسانی امور نے اپنی رپورٹ میں کہا کہ رواں سال کے پہلے چھ ماہ کے دوران ہی افغانستان میں 292 سے زاہد افراد بارودی سرنگوں کے باعث اموات کا شکار ہو چکے ہیں۔دھماکہ خیز مواد کےخطرات سے 88 فیصد متاثرین ہیں۔ افغانستان میں بارودی سرنگوں میں پیش آنے والے حادثات شہریوں کی اموات کی دوسری بڑی وجہ ہیں۔رپورٹ کے مطابق جنوری 2022 سے فروری 2024 کے درمیان 15 سو سے زائد اموات بارودی سرنگوں کے باعث ہوئیں، جن میں سے 86 فیصداموات بچوں کی تھیں،جن علاقوں میں باوردی سرنگیں موجود ہیں وہاں کے رہائشیوں نے طالبان سے مطالبہ کیا ہے کہ ان جگہوں کو بارودی سرنگوں سے صاف کیا جائے ۔ ڈائریکٹوریٹ آف مائن ایکشن کوآرڈینیشن کے مطابق 2024 کے آغاز سے اب تک ملک میں بارودی سرنگوں اور نہ پھٹنے والے ہتھیاروں کی وجہ سے تقریباً 300 افرادجاں بحق یا زخمی ہو چکے ہیں۔