کرکٹ کی عالمی تنظیم نے بتایا کہ ٹی ٹوئنٹی ورلڈکپ کی مجموعی انعامی رقم11.2 ملین ڈالرز مختص کی گئی ہے۔ٹی ٹوئنٹی ورلڈ کپ کی فاتح ٹیم کو 24 لاکھ 50 ہزار ڈالر کی انعامی رقم ملے گی جبکہ دوسری برتری حاصل کرنے والی ٹیم کو 12 لاکھ 80 ہزار ڈالرز کی حق دار ہوگی۔سیمی فائنلز میں شکست کھانے والی ٹیموں کو 7 لاکھ 87 ہزار 5 سو ڈالرز ملیں گے جبکہ سپر 8 مرحلے سے اگلے مرحلے کے لیے کوالیفائی نہ کرنے والی 4 ٹیموں کو 3 لاکھ 82 ہزار 5 سو ڈالرز ملیں گے۔کرکٹ کی عالمی تنظیم کے مطابق 9 سے 12 پوزیشن کی ٹیموں کو 2 لاکھ 47 ہزار 5 سو ڈالرز ملیں گے جبکہ 13 سے 20 تک کی پوزیشن کی ٹیموں کو 2 لاکھ 25 ہزار ڈالرز ملیں گے۔اور ہر جیتنے والی ٹیم کو میچ کی جیت پر اضافی 31 ہزار ایک سو 54 ڈالرز ملیں گے۔
