ریاض میں ہونے والی سعودی پاک ٹیک نمائش میں 74 کمپنیوں اور 800 مندوبین نے پاکستان کی آئی ٹی انڈسٹری کی نمائندگی کی۔اس ہائی پروفائل فورم کا انعقاد پاکستان سوفٹ ویئر ہاؤسز ایسوسی ایشن نے خصوصی سرمایہ کاری سہولت کونسل، پاکستان سافٹ ویئر ایکسپورٹ بورڈ اور ریاض میں پاکستانی سفارتخانےکے تعاون سے کیا۔
رواں سال اس میگا عالمی ایونٹ میں 183 ممالک سے ایک لاکھ 72ہزار شرکاء نے حصہ لیا۔نمائش میں پاکستانی آئی ٹی انڈسٹری کا پویلین توجہ کا مرکز تھا جس کا دورہ دنیا بھر سے آئی، آئی ٹی کمپنیوں* کے نمائندؤں نے کیا۔
پویلین کا افتتاح سعودی عرب میں پاکستان کے سفیر احمد فاروق اور چیئرمین زوہیب خان نے کیا۔پاکستانی سافٹ وئیر اور انفارمیشن ٹیکنالوجی کمپنیوں نے ریاض میں جاری ٹیک نمائش کے دوران سعودی عرب اور دیگر ممالک کی معروف فرموں کے ساتھ کئی معاہدے بھی کیے۔
گزشتہ سال ہونے والی LEAP 2023 نمائش میں پاکستانی آئی ٹی کمپنیوں نے بلین ڈالر کی سرمایہ کاری حاصل کی تھی جبکہ بی ٹو بی میچ میکنگ میں 100 ملین ڈالر سے زیادہ کی لیڈز حاصل کیں۔پاکستانی سفیر کا کہنا تھا کہ نمائش میں اتنی بڑی تعداد میں پاکستانی فرموں کی موجودگی آئی ٹی کے شعبے میں مشرق وسطیٰ کے ساتھ مزید مضبوط تعلقات کے امکانات کو واضح کرتی ہے
