افغانستان کے دارالحکومت کابل میں افغانستان ریجنل کوآپریشن انیشی ایٹو کا سربراہ اجلاس منعقد ہوا جس میں افغان حکام اور متعدد ممالک کے خصوصی ایلچیوں نے شرکت کی۔ افغانستان کے قائم مقام وزیر خارجہ امیر خان متقی نے اپیل کی کہ علاقائی تعاون کو فروغ دیا جائے تاکہ خطے کے عوام کو فوائد پہنچائے جا سکیں۔اجلاس کے بعد منعقدہ پریس کانفرنس میں انہوں نے اس بات پر زور دیا کہ امریکہ کو افغانستان کے منجمد غیر ملکی اثاثوں کو واپس کرنا ہوگا۔ متقی نے کہا کہ علاقائی تعاون کا مرکز مشترکہ علاقائی مفادات کی بنیاد پر روابط کے طریقے تلاش کرنا اور رابطے کی تکمیل سے علاقائی اقتصادی ترقی کو فروغ دینا ہے تاکہ خطے کے تمام ممالک کے عوام کو فائدہ پہنچے۔ انہوں نے کہا کہ افغان عبوری حکومت کے لیے علاقائی سلامتی بدستور بہت اہم ہے۔ انہوں نے افغانستان پر عائد یکطرفہ پابندیاں اٹھانے کا مطالبہ کیا اور اس بات پر زور دیا کہ امریکہ کو افغانستان کے منجمد غیر ملکی اثاثے واپس کرنے چاہیئں۔
