پولنگ عملے کی تربیت کے دوران غیرحاضر عملے اور اسٹاف کے خلاف سخت انضباطی کارروائی کرنے کا فیصلہ
الیکشن کمیشن نے پولنگ عملے کی تربیت کے دوران غیر حاضری کے واقعات کا نوٹس لے لیا۔ترجمان نے کہا کہ چیف الیکشن کمشنر نے تمام چیف سیکریٹریز اور صوبائی الیکشن کمشنرز کو ہدایات جاری کر دیں، پولنگ اسٹاف کی تربیت کے دوران حاضری کو یقینی بنایا جائے۔الیکشن کمیشن کے ترجمان کا کہنا ہے کہ دوران تربیت غیر حاضر ملازمین کی فوری معطلی اور ان کے خلاف ضابطے کی کارروائی کی جائے، اس سلسلے میں کوئی غفلت اور کوتاہی برداشت نہیں کی جائے گی۔