بھارت کے ممبئی ایئرپورٹ پر غیرملکی خاتون کو 40 کروڑ کی منشیات کے ساتھ حراست میں لے لیا گیا۔21 سالہ خاتون کا تعلق تھائی لینڈ سے ہے جسے منشیات کی اسمگلنگ کے الزام میں حراست میں لیا گیا ہے۔خاتون کو پہلے سے ملنے والی معلومات پر حکام نے گرفتار کیا جو ایتھوپیا سے ممبئی پہنچی تھی۔خاتون کی تلاشی کے دوران کوئی مشکوک چیز برآمد نہیں کی گئی، تاہم اس کے ٹرالی بیگ سے کئی پیکٹوں میں موجود سفید پاؤڈر برآمد ہوا جسے ٹیسٹ کرنے کے بعد پتہ چلا کہ یہ منشیات ہے۔ضبط کی گئی گئی منشیات کی قیمت بین الاقوامی مارکیٹ میں 40 کروڑ روپے بتائی جارہی ہے، خاتون کو حراست میں لے کر مقدمہ درج کرلیا گیا ہے جبکہ مزید تحقیقات کا آغاز کردیا گیا ہے۔