vosa.tv
Voice of South Asia!

1943 میں لکھا گیا خط 80 سال بعد منزل پر پہنچ گیا

0

1943 میں امریکی جوڑے کو بھیجا گیا خط ڈاک خانے نے بالآخر 80 سال بعد خاندان تک پہنچا دیا۔امریکی ریاست الینوائے کے شہر ڈیکیلب کے رہائشی لوئس اور لیوینا جورج کو لکھا گیا خط حال ہی میں ڈیکیلب پوسٹ آفس میں جب دوبارہ منظر پر آیا تو ایک ملازم نے اس خاندان کے افراد کو ڈھونڈنے کا فیصلہ کیا۔یہ خط بالآخر امریکی ریاست اوریگن کے شہر پورٹ لینڈ میں مقیم جوڑے کی رشتے دار گریس سیلازر کو ارسال کر دیا گیا، جنہوں نے خط کو لوئس اور لیوینا جورج کی بیٹی جینیٹ جورج کے ساتھ شیئر کیا۔1943 میں بھیجے گئے خط میں ایک کزن نے جورج سے ان کی پہلی بیٹی ایویلین کی موت پر تعزیت کی تھی۔جینیٹ کا کہنا تھا کہ خط نے ان کو جذباتی کر دیا۔ یعنی بچے کو کھو دینے کا احساس خوفناک ہوتا ہے۔ خط نے ان کو والدین اس تکلیف کا احساس دلایا جس سے وہ ان کی پیدائش سے قبل گزرے تھے۔جورج خاندان کو ڈھونڈنے والے پوسٹ آفس اہلکار کا کہنا تھا کہ اس خط کے اتنے عرصے تک ارسال نہ ہونے کی وجہ خط پر لکھے پتے میں گلی کے نام کے ساتھ گھر کے نمبر کا نہ ہونا تھی۔

جواب چھوڑیں

آپ کا ای میل ایڈریس شائع نہیں کیا جائے گا.