امام کعبہ شیخ صالح بن عبداللہ بن محمد حمید نے جمعہ کو کہا کہ اسلام امن اور بھائی چارے کا مذہب ہے اور اسلام کی غلط تشریحات کی کوئی گنجائش نہیں ہے۔
پاکستان کے دورے پر موجود امام کعبہ نے یہ بات چیف آف آرمی اسٹاف جنرل سید عاصم منیر سے جنرل ہیڈ کوارٹرز میں ملاقات کے دوران کہی۔
ملاقات میں باہمی دلچسپی کے امور پر تبادلہ خیال کیا گیا۔ سی او اے ایس نے معزز مہمان کا خیرمقدم کیا اور اس بات پر روشنی ڈالی کہ امام کعبہ کا دورہ پاکستان پاکستانی عوام کے لیے اعزاز کی بات ہے۔
انہوں نے مزید کہا کہ دنیا بھر کے مسلمان حرمین شریفین کے لیے بے پناہ عقیدت اور اپنے متولی کا گہرا احترام کرتے ہیں۔
معززین نے غزہ تنازعہ میں جاری مظالم اور بھارتی مقبوضہ جموں و کشمیر IOJK میں مسلمانوں پر ظلم و جبر کی مذمت کی اور فلسطین اور کشمیر کے عوام کے ساتھ یکجہتی کا اظہار کیا۔
سی او اے ایس نے ریمارکس دیئے کہ، پاکستان اور مملکت سعودی عرب کے درمیان مثالی تاریخی مذہبی اور ثقافتی رشتوں اور پاکستانیوں کے دلوں میں مملکت سعودی عرب کی انوکھی عقیدت کے علاوہ دونوں برادر ممالک کے درمیان نظریات کے اتحاد پر مبنی مضبوط اسٹریٹجک تعلقات ہیں۔
امام کعبہ نے امن، استحکام اور اتحاد امت کے لیے دعا بھی کی۔
