انڈین صوفی سنگر ساغر بھاٹیا کی مسحور آوز نے شائقین قوالی کو جھومنے پر مجبور کردیا

ڈیلس:ڈیلس میں حبا انٹرٹینمینٹ کی جانب سے معروف انڈین صوفی سنگر ساغر بھاٹیا کی  مسحور آوز  نے شائقین قوالی کو جھومنے پر مجبور کردیا۔ گلوکار ساغر بھاٹیا نے بھی تین گھنٹے نان اسٹاپ پرفارمنس دے کر شائقین موسیقی کو حیرت میں ڈال دیا ساغر نے قوالیوں اور گانوں پر بھرپور پرفارمینس بھی دی کنسرٹ میں حاضرین بے خود ہوگئے۔ بعض شائقین کی جانب سے فنکاروں پر ڈالروں کی برسات بھی کی۔  ساغر اپنی آواز کا جادو جگاتے رہے۔ اور مردو خواتین انکے بولوں پر جھومتے رہے ۔کنسرٹ میں صوفی اور مغربی امتزاج کے ذریعہ ساغر نے روحانی میلہ سجا ڈالا اور قوالی اور غزلوں کے موثر بول کے  ذریعہ حاضرین کو بے تاب کردیا ۔ حبا انٹرٹینٹمیٹ کے روح رواں ناصر صدیقی نے شو کامیاب کرنے اور حبا پر بھرپور اعتماد کرنے پر انکا شکریہ ادا کیا۔ ڈیلس   کنسرٹ کی نظامت کے فرائض ڈاکٹر امبر جمال نے سر انجام دیئے آنے والے حاضرین کا کہنا تھا کہ یہ  لازوال شام تھی اور ہم اس شام کی  یادوں کے ساتھ ہمیشہ جڑے رہینگے ۔کنسرٹ کے آخر میں گفتگو کرتے ہوئے گلوکار ساغر کا کہنا تھا کہ انہوں نے جسطرح آج اپنے فن کا مظاہرہ کیا اسکے پیچھے ڈیلس کی عوام کی محبت تھی آپ لوگوں کو انٹرٹینٹمینٹ دیکر بہت خوشی حاصل ہوئی ہے۔ اور یہی کلاکاری ہے کہ آپ آنے والے شائیقین کے دلوں کو اپنے فن سے مسحور کیا جائے اور آپ بھرپور طریقہ انجوائے کرسکیں ۔ گلوکار ساغر کے نیشنل پرموٹر  امیش کا کہنا تھا کہ امریکہ بھر میں انکے شوز کو ہر شہر میں زبردست پذیرائی ملی اور آئیندہ سال وہ مزید شہروں میں انکے شو مرتب کرینگے۔