نیویارک شہر نے ریاستی قانون کے تحت مقررہ زیادہ سے زیادہ حد کے مطابق 600 چوراہوں پر سرخ لائٹ کیمرے نصب کرلیے ہیں۔
میئر ممدانی نے کہا کہ سرخ لائٹ کیمرے خطرناک ڈرائیوروں کو جوابدہ بنا کر حادثات رونما ہونے سے پہلے ہی روکتے ہیں، اور اب تمام 600 چوراہوں پر یہ نظام فعال ہوچکا ہے۔ حکام کے مطابق البنی کے قانون سازوں نے 2024 میں شہر کو کیمروں کی تعداد 150 سے بڑھا کر 600 چوراہوں تک کرنے کی اجازت دی تھی، جبکہ شہر بھر میں ٹریفک سگنلز والے چوراہوں کی کل تعداد تقریباً 13,700 ہے۔ حکام کے مطابق 2023 سے 2025 کے دوران چوراہوں پر ہونے والے جان لیوا حادثات میں سے 22 فیصد سگنل توڑنے کے باعث پیش آئے۔ رپورٹ کے مطابق کیمرہ نظام کے تحت پکڑی جانے والی گاڑی کے مالک کو 50 ڈالر کا چالان جاری کیا جاتا ہے، جبکہ شہری ڈیٹا کے مطابق گزشتہ سال چالان ہونے والی 95 فیصد گاڑیوں کو زیادہ سے زیادہ دو ہی بار خلاف ورزی پر پکڑا گیا۔