امریکی صدر ٹرمپ نے حالیہ قدرتی آفات سے متاثرہ کم از کم سات ریاستوں کے لیے بڑے ڈیزاسٹر کا اعلان منظور کر لیا ہے، جس کے بعد متاثرہ علاقوں کو وفاقی امداد تک رسائی حاصل ہو گئی ہے۔
رپورٹس کے مطابق الاسکا، آئیڈاہو، مونٹانا، اوریگن، ساؤتھ کیرولائنا، ساؤتھ ڈکوٹا اور واشنگٹن کو اس منظوری میں شامل کیا گیا ہے۔ اس فیصلے کے تحت متاثرہ علاقوں میں بنیادی ڈھانچے کی بحالی، متاثرین کی مالی مدد اور دیگر ضروری اخراجات کے لیے فنڈز فراہم کیے جائیں گے۔دوسری جانب تقریباً 15 مزید ریاستوں اور قبائلی علاقوں کی درخواستیں تاحال زیر التوا ہیں، جبکہ کچھ اپیلیں بھی حکومتی منظوری کی منتظر ہیں۔ حکام کے مطابق ان درخواستوں پر جلد پیش رفت متوقع ہے، خاص طور پر سمندری طوفانوں کے سیزن سے پہلے امدادی نظام کو فعال بنانے کی کوشش کی جا رہی ہے۔ماہرین کا کہنا ہے کہ اگرچہ امدادی کارروائیاں جاری رہ سکتی ہیں، تاہم محکمہ داخلہ کی جزوی بندش اور فنڈز کی کمی مستقبل میں مسائل پیدا کر سکتی ہے۔ اس صورتحال میں ریاستی حکومتوں کو بھی اپنی سطح پر تیاری اور وسائل بڑھانے کی ہدایت کی گئی ہے تاکہ آفات سے نمٹنے کی صلاحیت بہتر بنائی جا سکے۔