افغان طالبان نے قیدیوں کی رہائی کا معاہدہ طے پانے کے بعد افغانستان میں قید امریکی شہری کو رہا کر دیا۔
حالیہ رپورٹس کے مطابق امریکا اور طالبان میں قیدیوں کی رہائی کا معاہدہ طے پانے کے بعد امریکی شہری جارج گلیزمین کو رہا کر دیا گیا جو کابل ایئرپورٹ سےخصوصی طیارے کے ذریعے قطر پہنچ گئے۔ 65 سالہ امریکی شہری جارج گلیزمین کو دسمبر 2022 میں طالبان نےحراست میں لیا تھا۔ امریکی شہری کی رہائی کیلئے قطر نے ٹرمپ انتظامیہ اور طالبان کے درمیان ثالثی کا کردار ادا کیا تھا۔ صدرٹرمپ کے خصوصی مشیر ایڈم بوہلر نے امریکی شہری کی رہائی کیلئے طالبان سےمذاکرات کئے تھے۔ جو بائیڈن کے بطور صدر سبکدوش ہونے کے آخری گھنٹوں میں طویل مذاکرات کے بعد طالبان اور امریکی حکام میں قیدیوں کے تبادلے کا معاہدہ طے پایا تھا۔