نیووارک(ویب ڈیسک) نیو جرسی میں ہفتے کی رات ایک دل دہلا دینے والے کار حادثے میں چھ افراد جان کی بازی ہار گئے۔ مقامی پولیس کے مطابق حادثہ رات گئے پیش آیا جب ایک کار تیز رفتاری کے باعث بے قابو ہو کر حادثے کا شکار ہو گئی، جس سے گاڑی میں آگ لگ گئی۔پولیس حکام نے تصدیق کی ہے کہ حادثے میں شامل تمام افراد موقع پر ہی جاں بحق ہو گئے۔ جائے وقوعہ پر امدادی کارروائیاں فوری طور پر شروع کی گئیں لیکن گاڑی میں لگی آگ اتنی شدید تھی کہ متاثرین کو بچایا نہیں جا سکا۔اس واقعے کی تحقیقات جاری ہیں اور متعلقہ حکام جلد ہی ایک پریس کانفرنس کے ذریعے مزید تفصیلات فراہم کریں گے۔ حکام حادثے کے ممکنہ اسباب کا جائزہ لے رہے ہیں، جن میں تیز رفتاری، لاپرواہی، اور ممکنہ طور پر شراب نوشی شامل ہو سکتی ہے۔ متاثرین کی شناخت ظاہر نہیں کی گئی ہے کیونکہ ان کے اہل خانہ کو اطلاع دینا ابھی باقی ہے۔