ریاض(نمائندہ خصوصی)سعودی عرب کے دارالحکومت الریاض میں پہلی دفعہ ایشین کمیونٹی ایوارڈ شو کا انعقاد مقامی ہوٹل میں کیا گیا جس میں سعودی عرب میں مقیم پاکستان اور بنگلہ دیش کے مختلف شعبہ ہائے زندگی سے تعلق رکھنے والی معروف شخصیات کو بہترین کارکردگی پر ایشین ایوارڈ سے نوازا گیا۔ریاض میں صنم پروڈکشن کے زیر اہتمام ایوارڈ شو کی رنگا رنگ تقریب کی مہمان خصوصی سندس صابر چوہدری نے تمام ایوارڈ یافتگان کو مبارکباد دیتے ہوئے کہا کہ ملک وقوم اور انسانیت کی خدمت کرنے والوں کی کوششوں کو سراہنا ہم سب کی اخلاقی ذمہ داری ہے تاریخ ایسی شخصیات کو ہمیشہ یاد رکھتی ہے جو دوسروں کے لئے درد دل رکھتے ہیں خدمت کو عبادت تصور کرتے ہوئے انسانیت کی فلاح کے لئے کوشاں رہیں تقریب سے خطاب کرتے ہوئے ایوارڈ شو کے چیف آرگنائزر کامران ملک کا کہنا تھا کہ ہمیں یہ اعزاز حاصل ہے کہ ہم نے دونوں ممالک کی کمیونٹی کو ایک پلیٹ فارم پر جمع کرکے ان کی بھر پور حوصلہ افزائی کی ایوارڈ تقریب کا مقصد معاشرے اور قوم کے مفاد میں سماجی ، فلاحی اور صحافتی خدمات کو بیدار کرتے ہوئے عوامی فلاح و بہبود کے جذبے کا ادراک کرنا ہے تقریب سے ، راشد محمود، ارشد تبسم ، جویریہ اسد ، جہانگیر عالم ، مدیحہ رؤف ، اور دیگر نے بھی خطاب کرتے ہوئے کہا کہ معاشرے اور قوم کی ترقی میں بے لوث کردار ادا کرنے والے افراد کو ایوارڈ دینا خوش آئند اور قابل فخر ہے۔