تھائی لینڈ کے سابق وزیر اعظم تھاکسن شیناواترا کو پیرول پر رہا کر دیا گیا۔ ان پر 2001 سے 2006 کے دوران اقتدار کے غلط استعمال اور کرپشن کا الزام تھا۔تھائی لینڈ کے سزا یافتہ سابق وزیر اعظم تھاکسن شیناواترا کو پولیس اسپتال سے پیرول پر رہا کر دیا گیا جس کے بعد وہ دارالحکومت بینکاک میں اپنی حویلی پہنچ گئے۔74 سالہ تھاکسن کو 15 سال کی خود ساختہ جلاوطنی کے بعد گزشتہ اگست میں تھائی لینڈ واپس آتے ہی گرفتار کرلیاگیا تھا، انھوں نے صحت کی خرابی کی شکایت کے بعد ایک رات بھی جیل میں نہیں گزاری، تھاکسن کی اصل 8 سالہ قید کی سزا تھائی لینڈ کے بادشاہ نے ایک سال میں تبدیل کر دی تھی۔تھاکسن شیناواترا کو جس طرح مراعات دی گئیں، اس نے تھائی باشندوں میں غم و غصے کی لہر دوڑا دی ہے، اور ان کا کہنا ہے کہ امیر اور طاقت ور لوگوں کے ساتھ کچھ اور ہی سلوک کیا جاتا ہے۔