نیویارک سٹی کے میئر ایرک ایڈمز کی جانب سے تارکینِ وطن کو پناہ گاہیں چھوڑنے کیلئے دی گئی 60 دنوں کی مہلت قریب آتے ہی ہزاروں تارکینِ وطن کی دوبارہ پناہ کی درخواست دینے کیلئے قطاریں لگ گئیں۔شہری انتظامیہ نے تارکینِ وطن کو چار ہزار تین سو نوٹسز جاری کیے ہیں جن کے ذریعے متنبہ کیاگیا ہے کہ ان کا پناہ گاہیں خالی کرنے کیلئے دیا جانے والا 60 دن کا وقت ختم ہو رہا ہے، جس میں انہیں دوبارہ درخواست دینے کی ضرورت ہے ۔شہری عہدیداران کے مطابق اگر دوبارہ درخواست دینے والے خاندانوں کو فوری طور پر جگہیں نہیں ملتی ہیں تو انہیں جگہ دستیاب ہونے تک انتظار کرنے کیلئے خصوصی مہلت کے مراکز میں بھیجا جائے گا۔میئر ایرک ایڈمز نے اکتوبر میں اعلان کیا تھا کہ تارکینِ وطن خاندانوں کو ہر 60 دنوں میں شہر کے شیلٹر سسٹم میں ایک سلاٹ کیلئے دوبارہ درخواست دینا ہو گی۔شہر میں تعطیلات کے باعث دی گئی مہلت میں توسیع بھی کی گئی تھی۔ پناہ کے متلاشیوں کو مین ہٹن میں ٹومپکنز اسکوائر پارک کے قریب مشرقی گاؤں کے سینٹ بریگیڈ اسکول کے باہر دوبارہ پناہ کی امید میں قطارے لگائے دیکھاگیا۔اس دوران ایک تارکینِ وطن کی جانب سے لمبی قطار کو عبور کرنے کی کوشش بھی کی گئی جس پر حالات کشیدہ بھی ہوئے اور ہنگامہ آرائی کے دوران پولیس نے دو افراد کو حراست میں بھی لے لیا۔