امریکی وزیر خارجہ انٹونی بلنکن نے غزہ میں عام شہریوں کے قتل عام میں ہر طرح سے صیہونی حکومت کی حمایت کے بعد اب کہا ہے کہ اسرائیلی فوج، فلسطینی عام شہریوں کے تحفظ میں ناکام رہی ہے۔بلنکن نے ٹی وی چینل کے ایک پروگرام میں کہا ہے کہ عام شہریوں کا تحفظ ضروری ہے۔انہوں نے کہا کہ اسرائیل نے غزہ پر حملے کے دوران عام شہریوں کے تحفظ میں کوتاہی کی ہے۔امریکی وزیر خارجہ نے کہا کہ ہمیں جھڑپوں میں کمی نظر نہيں آ رہی ہے جو غزہ میں زیادہ امداد کی ترسیل ممکن ہو اور ایسا کوئي علاقہ نہيں ہے جہاں اسرائیل حملہ نہيں کر رہا ہے اور جو عام شہریوں کے لئے محفوظ ہو۔ ہمیں لگتا ہے کہ عام شہریوں کے تحفظ کے لئے زیادہ کوشش کی جاني جاہیے اس بناء پر اسرائیل نے جو عام شہریوں کے تحفظ کا وعدہ کیا ہے اس میں اور اس حقیقت میں کہ ہزاروں افراد مارے گئے ہيں بہت فاصلہ ہے۔اس سے قبل امریکی وزیر خارجہ نے اپنے سعودی ہم منصب سے ملاقات میں، غزہ میں انسان دوستانہ ضرورت پر توجہ، جنگ کو مزید پھیلنے سے روکنے کے لئے کوشش اور علاقائی پائیداری میں استحکام کی ضرورت پر زور دیا تھا۔